البتاع ده ؟
في أحد أحاديث الرئيس المصري حسني مبارك الأخيرة ، وأثناء الكلام عن حزب الله ، الذي لم يعد يغيب عن ذهن أحد من العامة ، فما بالك بأحد الزعماء العرب الذين كشف الحزب حجمهم فبدوا صغارا الى درجة التلاشي .. ، في ذلك الحديث وصف السيد مبارك حزب الله " بالبتاع ده " وهو تعبير مصري يستعمل عندما نود تحقير أمر ما أو تجاهله ، وهذا أثار استياء الكثيرين ممن تابعوا الواقعة ، إلا أن من سوء حظ الرئيس المصري أن كان من بين المستائين "الفاجومي" الشاعر أحمد فؤاد نجم والمعروف بحدة لسانه والذي ما كان له أبدا أن يمرر هذه الوقعة للرئيس دون أن يعلق عليها شعرا فقال :
يا للي فتحت
البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف
على طول
والناس تموت في البتاع
فيبقي مين مسؤول ؟
وإزاي حتفتح
بتاع
في وسط ناس بتقول
بأن هذا البتاع
جاب الخراب مشمول
لأنه
حتة بتاع
جاهل
غبي
مخبول
أمر بفتح البتاع
لأنه
كان
مسطول !
وبعد فتح البتاع
جابوا الهوا المنقول
نكس عشوش
البتاع
وهد كل أصول
وفات في غيط البتاع
قام سمم المحصول
وخلا
لون البتاع
أصفر
حزين
مهزول
وساد قانون البتاع
ولا عله
ولا معلول
فالقاضي بتع البتاع
فالحق ع المقتول
والجهل زاد في
البتاع
ولا مقري
ولا منقول
والخوف
سرح في البتاع
خلا
الديابه تصول
ويبقي البتاع في البتاع
والناس صايبها ذهول
وأن حد
قال دا البتاع
يقولوا له
مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي
اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات
مقتول
أحمد فؤاد نجم
No comments:
Post a Comment